Pangalaman anu dicaritakeun ku Réstu

Pangajaran 2
Nyaritakeun Pangalaman
2. Pangalaman anu dicaritakeun ku Réstu:

“Assalamu’alaikum Wr.Wb.
Réréncangan sadayana, pangalaman abdi ogé sami anéh. Malah ieu mah langkung anéh deui tibatan pangalaman Agung.
Kieu nya, Réstu téh kan gaduh tatangga, namina Bi Sopiah. Tah, hiji waktos di halaman Bi Sopiah téh aya kajadian unik. Di handapeun tangkal pisang, aya kembang anu bau pisan kaambeuna.
Tatangga Bi Sopiah teras raribut. “Kembang Bangké! Kembang Bangké!” cenah. Abdi gé harita teras lumpat, ngiring nongton, ih, anéh pisan bentukna ogé Kembang Bangké mah nya. Ageung bari ngarampidak méh saageung nyiru. Nu matak anéh deui mah kelopakna téh warnana beureum sareng bentukna kawas haté. Ih, asa sieun Réstu mah ningalna gé.
Lantaran kaambeu bau téa, ku Bi Sopiah éta kembang bangké téh dirungkup ku pelastik. Teras disimpenan kotak artos. Jadi nu panasaran hayang ningali, kedah ngalungkeun artos récéh, sabaraha baé. Mangkaning beuki seueur nu panasaran hayang ningali téh. Méh sadaya warga Kampung Ciginal sareng Caringin mah jul-jol sarumping ka dinya.
Nya lumayan wé, bau-bau ogé Bi Sopiah téh gaduh artos.

Rupina moal papanjangan. Sakitu wé anu tiasa dicarioskeun.
Wassalamu’alaikum Wr. Wb.”

Tinggalkan komentar

Belum ada komentar.

Comments RSS TrackBack Identifier URI

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s