Bapa miwah lbu, sumangga urang tataan kaéndahan alamna. Bogor miboga tempat-tempat wisata anu kalintang éndahna sarta kadeugdeug ku nu ngaradon piknik ti mana-mana. Aya Kebon Raya, Taman Safari, Taman Bunga Cibodas,Curug Cilémber, sareng sajabina. Salian ti kaéndahan alam, Bogor ogé miboga tempat wisata budaya.
Di Bogor aya Istana Bogor, Museum Zoolog;, Museum Perjuangan tempat karajinan wayang, sareng sajabina.
Kantenan baé eta kaéndahan alam téh kedah diriksa ku urang sadaya. Upami lingkungan alam ku urang diruksak tangtos bakal nimbulkeun mamala. Balukar tina ruksakna leuweung, ku urang apan katingal aya musibat di mana-mana. Naon margina?Jalaran manusa kiwari beuki sarakah beuki resep ngaruksak kasaimbangan alam. Saban waktos tangkalan dituaran di mana-mana, bari langka dipelakan deui sakumaha mistina. Balukama gunung-gunung darugul, pasir-pasir bulistir. urug saban waktos. Banjir saban waktos. Kitu deui banda budaya. Upami henteu dipiara dimumulé ku urang tangtos bakal tumpur.
Hadirin hormateun sim kuring!

Rupina teu aya deui anu tiasa dipilampah “iwal ti hayu urang sasarengan, rempug jukung sauyunan miara sareng ngamumulé banda budaya sorangan. Hayu urang ngariksa alam sabudeureun ngarah tetep asri tur éndah. Hayu urang rampak tandang ngawangun Bogor lemah sarakan urang.

Mawa obor ka Cikarang,
mawa kisa ka Cianting.
Kota Bogor boga urang,
kudu diriksa dijaring.
Mawa obor sisi kulah,
di susukan aya hurang.
Kota Bogor lemah éndah,
kota panineungan urang.

Hadirin nu dipihormat!
Rupina sakitu nu kapihatur. Hapunten bilih aya basa sareng tata-krama anu kirang merenah. Bobo sapanon carang sapakan. Langkung saur bahé carék hapunten anu kasuhun.
Wassalamu’alaikum wr. wb.

Pikeun anu tos lulus ti bangku sakola ĕtang-ĕtang pangĕmut-ngĕmut nalika nyukcruk pangaweruh di mangsa katukang.

Wilujeng….

Aya sababaraha bagian tema bahasan salian ti tatapakan; Nyaeta:

1. Tetekon

2. Kandaga Rasa

3. Geugeusan

Pedaran
Pupujian téh wangun puisi anu ilaharna sok ditembangkeun di masjid saméméh solat pardu. Cara ngalagukeunana biasana sok béda-béda, kumaha kabiasaan di masing-masing wewengkon. Eusina umumna mangrupa pupujian ka Alloh atawa solawat ka Nabi.
Jawab pananya di handap !
1.    Diwangun ku sabaraha pada (bait) pupujian di luhur téh? Dina unggal pada aya sabaraha padalisan (jajaran)?
2.    naon anu dicaritakeun dina éta pupujian?
3.    Hal naon anu karasa ku hidep sanggeus maca pupujian di luhur?
4.    Salian ti pupujian di luhur, pupujian naon deui nu hidep apal?
5.    Cing pék caritakeun maké basa hidep sorangan eusi pupujian di luhur !

Pancén
1.    Apalkeun pupujian di luhur, hariringkeun hareupun kelas. Bisa ku saurang-saurang, bisa ogé ku wawakil kelompok.
2.    Tanyakeun sarta tuliskeun pupujian nu biasa sok dihariringkeun di mashid nu aya di lingkungan hidep.

[tina buku Sabasa 7A citakan ka-2  (Edisi Revisi) 2005,  kaca 77 – 80]

Pupujian 3:
Anak Adam

Anak Adam anjeun di dunya ngumbara
umur anjeun di dunya téh moal lila

Anak Adam umur anjeun téh ngurangan
saban poé saban peuting dicontangan

Anak Adam paéh téh nyorangan
Cul anak salaki jeung babandaan

Anak Adam paéh euweuh nu dibawa
Ngan asiwung jeung boéh anu dibawa

Anak Adam pasaran téh lolongséran
Saban poé saban peuting gegeroan

Anak adam anjeun kaluar ti imah
Digotong dina pasaran tugenah

Aduh bapa aduh ibu abdi keueung
Rup ku padung rap ku lemah abdi sieun

Anak adam di kubur téh poék pisan
Nu nyaangan di kubur téh maca Qur’an

[tina buku Sabasa 1A (Revisi) kaca 77 – 80]

Pupujian 2

Pupujian Kanjeng Nabi

Gusti urang sadayana
Kanjeng Nabi anu mulya
Muhammad jenenganana
Arab Qures nya bangsana

Ramana Gusti Abdullah
ibuna Siti Aminah
dibabarkeunna di Mekah
wengi Senén taun gajah

Rabi’ul awal sasihna
tanggal kaduabelasna
April bulan maséhina
tanggal kaduapuluhna

Ari bilangan taunna
lima ratus cariosna
tujuh puluh panambihna
sareng sahiji punjulna

Siti Aminah misaur
waktos babarna kacatur
ningal cahya mani ngempur
di bumina hurung mancur

Babar taya kokotoran
orok lir kénging nyepitan
soca lir kénging nyipatan
sarta harum seuseungitan

[tina buku Sabasa 1A (Revisi) kaca 77 – 80]

Pupujian 1:
Illahi lastu lil firdaus

Illahi lastu lil firdausi ahla
walal aqwa ‘ala naril jahimi

Fa habli taubatan wagfir dzunubi
fa innaka gofiru danbil ‘adzzimi

Héh Pangéran abdi sanés ahli surga
naging henteu kiat nandangan naraka

Mugi Gusti nampi kana tobat abdi
ngahapunten kana kalapatan diri

[tina buku Sabasa 7A Citakan ka-2 (Edisi Revisi) 2005, kaca 77 – 80]

Pedaran
Riwayat hidup atawa biografi téh nyaéta riwayat atawa lalakon hirup hiji jalma dina wangun tulisan. Biografi bisa dibaca dina buku anu dicitak ku penerbit, nyaéta biografi nu ngarang éta buku. Ilaharna di tulis di kaca panungtung, ataw dina jilid bagian tukang. Salian tulisan ogé ilaharna sok diwuwuhan ku potrét.
Sagédéngeun éta, urang ogé bisa maca buku anu husus ngaguar riwayat hirup hiji jalma. Kiwari geus loba ditarulis buku biografi jalma-jalma kasohor atawa jalma anu boga kalungguhan penting di masarakat. Dina buku biografi kawas kitu, urang bisa maca lalakon hirup hiji jalma kalawan gembleng; kumaha lalakon perjoangan hirupna, naon tujuan hirupna, sarta naon baé jasana pikeun kamaslahatan balaréa.
Lamun urang rék nyieun biografi, saméméhna kudu ngobrol atawa wawancara heula jeung jalma anu rék ditulis riwayat hirupna. Engké hasil wawancara ku urang kakara ditulis.

Pancén
Jieun hiji biografi kawas conto di luhur tina hasil wawancara. Saméméhna susun heula pananya pikeun ngawawancara tokoh nu rék di jieun riwayat hirupna!

[tina buku Sabasa 1A (Revisi) kaca 71 – 73]

Biografi 2:
ENGKOS KOSWARA, lahir tanggal 20 Juni 1965, di Cisarua, Bogor. Lulus ti SMP taun 1981 henteu bisa nuluykeun sakola lantaran kolotna ripuh teu bogaeun biaya, sanajan kitu Pa Engkos henteu putus asa. Manéhna satékah polah mekarkeun bakatna nyaéta nyieun barang-barang karajinan pikeun cnderamata. Lain meunang sakola atawa kursus bisa nyieun barang karajinan téh, tapi ku kadaékna sorangan.
Ku sabab leukeun jeung daria digawé, barang karajinan jieunan Pa Engkos tuluy kawentar. Rupa-rupa cinderamata jieunan Pa Engkos kayaning wayang, paparahuan, jeung patung bonéka kiwari geus nyebar ka mana-mana.
Tina hasil digawéna Pa Engkos bisa nyukupan kabutuh hirupna sapopoé sarta bisa nyakolakeun anakna. Di gigireun imahna di Cisarua ayeuna geus ngadeg sanggar, nyaéta tempat anu diancokeun pikeun sing saha baé anu hayang diajar nyieun barang karajinan. Taun 1998 manéhna milu dina paméran barang karajinan, sarta meunang penghargaan ti pamaréntah.

[tina buku Sabasa 1A (Revisi) kaca 71 – 73]

Biografi 1:
ALDA RIZMA ELFARIANI, LAHIR DI Bogor, 23 Nopémber 1982. putra cikal ti dalapan sadulur, ti pasangan Pa Farid Riza sareng Ibu Halimah.
Saméméh umur 17 taun, karir Alda dina dunia musik geus melesat sakaligus kawas météor. Lagu Aku Tak Biasa (1998) bisa kajual tepi ka 200 rébu kasét tur ngahasilkeun kauntungan milyaran rupia. Teu matak anéh upama ieu béntang penyanyi anyar téh indit ka mana-mana sok naék BMW, sarta nyicingan imah agréng nu hargana ratusan juta di komplék Perumahan Bogor Danau Raya Blok C3 No. 1 Bogor.
Ku lagu Aku Tak Biasa téa, Alda meunang panghargaan Penyanyi Pop Terbaik dina acara Anugerah Musik Indonésia (AMI) taun 1998, ngéléhkeun sababaraha urang penyanyi nu leuwih senior kayaning Krisdayanti jeung Ruth Sahanaya.
Jalan anu disorang ku Alda dina ngahontal karirna, mémang kawas dongénh. Caritana dina bulan April 1997, alda kaparengkeun lalajo pagelaran Code Red di Inggris ti Inggris di Hard Rock Cafe, Jakarta. Harita duka kumaha Alda bet ditawaran ka panggung pikeun nyanyi jeung éta kelompok musik. Lulus tés, Alda tuluy ngahariringkeun lagu We Can Make It nu dirilis dina taun éta kénéh. Alda tuluy ngagabung jeung Balckboard. Ti dieu pisan mimitina robahna hirup Alda téh. Ku Blackboard Alda dibéré lagu Aku Tak Biasa ciptaan Rudi Loho, anu kabeneran cocok pisan jeung karakter vokalna.
[tina buku Sabasa 1A (Revisi) kaca 71 – 73]